9 გამორჩეული ადგილი კარიბებზე

ზამთრის ცივ დღეებში ყველას თბილ ქვეყნებში, ზღვაზე და მზიან სანაპიროზე სურს დასვენება.  არის რამე უკეთესი, ვიდრე კარიბის კუნძულების რბილი ჰავა, მზიანი  სანაპიროები და ულამაზესი ბუნება? კარიბებზე წარმოდგენილია როგორც კერძო მდიდრული სანაპიროები და კერძო კუნძულები, ასევე იაფი საერთო საცხოვრებლები. აქ ყველა გემოვნებისა და ბიუჯეტისთვის მოიძებნება სასურველი  სერვისი. შეგიძლიათ ისიამოვნოთ მართლაც განსაკუთრებული სამზარეულოთი, იშოპინგოთ როგორც მდიდრულ ბუტიკებში, ასევე ადგილობრივ ბაზრებზე. გთავაზობთ 9 ადგილს კარიბებზე, რომლებსაც აუცილებლად უნდა ესტუმროთ.

St. Lucia 

St. Lucia-ასსილამაზეს მოწმობს ყველაფერი, თვალწარმტაცი ხედები, მისი მუქი ლურჯი ზღვა, ულამაზესი ფლორა და ფაუნა. ეს ადგილი არ არის  შოპინგის და წვეულებების მოყვარულთათვის, ის უფრო რომანტიკის და წყალქვეშა სპორტული აქტივობების მოყვარულთათვისაა განკუთვნილი. ეს კუნძული ბუნებრივ ცხელ წყალს, ადგილობრივი სამზარეულოს დელიკატესებს, დაივინგსა და ვინდსერფინგს გთავაზობთ.

Aruba

არუბა წლის ნებისმიერ დროს აქტუალურია. ის ცნობილია მდიდრული მაღაზიებით და რესტორნებით, ზურმუხტისფერი ზღვით, ხელუხლებელი, ქვიშის სანაპიროებით, გოლფის კურსებით და წარმოუდგენლად გემრიელი საერთაშორისო სამზარეულოთი. კრიმინალის ძალიან დაბალი დონე მას მიმზიდველს ხდის არამარტო სოლო დამსვენებლისთვის, არამედ ოჯახური და მეგობრული დასვენების მოყვარულთათვისაც. აქვე შეგიძლიათ ესტუმროთ Flamingo Beach-ს, სადაც ფლამინგოები თავისუფლად სეირნობენ.

Turks and Caicos Islands

The Turks and Caicos Islands ნამდვილად იდეალურ პეიზაჟს სთავაზობს დამსვენებლებს. შეგიძლიათ ისიამოვნოთ გრძელი, თეთრი, ქვიშიანი სანაპიროთი, ფირუზისფერი ზღვით, წყალქვეშა აქტივობებით, იხილოთ დიდებული მარჯნის რიფები, უამრავი, პატარა, ადგილობრივი რესტორნით. თუ არ ხართ აქტიური დასვენების მოყვარული, არც ეგაა პრობლემა. ბევრი რესტორანია, სადაც შეგიძლიათ დააგემოვნოთ ადგილობრივი სამზარეულო და დატკბეთ კუნძულის ხედებით.

Jamaica

თუ გიყვართ წვეულებები, მზად ხართ ჩაერთოთ ადგილობრივ კულტურაში და გურმანიც ბრძანდებით, მაშინ იამაიკა თქვენთვისაა. იამაიკა ცნობილია თავისი ლამაზი სანაპიროთი და ზღვით, მაგრამ ის ასევე პოპულარული ხდება მაღლი კლასის კურორტებით და მუსიკით. იამაიკა ასევე გთავაზობთ ისტორიულ სახლებს, ულამაზეს ჩანჩქერებს და ადგილობრივი დელიკატესების დიდ ასორტიმენტს, ისეთს, როგორიცაა იამაიკურად შემწვარი წიწილა და მარილიანი თევზისგან დამზადებული კერძები.

Anguilla

Anguilla-ზე მოსახვედრად ჯერ უნდა გადაფრინდეთ St. Martin-ზე ან San Jua-ზე, შემდეგ კი, ჰიდრო თვითმფრინავის ან ბორანის გამოყენებით ეწვევით კუნძულს. Anguillaცნობილია სპა ცენტრებით, კერძო სანაპიროებით და გოლფის ულტრა-ლუქს კურსებით, შეფ-მზარეულების მიერ მომზადებული დელიკატესებით და კოქტეილებით. 

Dominican Republic

დომინიკის რესპუბლიკა, თავისი მდიდარი ისტორიის, ეგზოტიკური ადგილობრივი სამზარეულოს, დამაინტრიგებელი კულტურის და მშვიდი გარემოს გამო ძალიან პოპულარულია როგორც მდიდრული დასვენების მოყვარულ ტურისტებს შორის, ასევე საშუალო და დაბალი შემოსავლის მქონე ტურისტებს შორისაც. თეთრი, ქვიშიანი სანაპიროები, საღამოს წვეულებები, ხელმისაწვდომი სასტუმროები (ყველა ბიუჯეტისთვის) და 6 საერთაშორისო აეროპორტი.

Bahamas

ფლორიდიდან 50 მილის მოშორებით მდებარეობს, 29 კუნძულისგან, 600 მარჯნის რიფისგან და კლდოვანი წარმონაქმნისგან შედგება. ბაჰამის კუნძულების სილამაზე მის მრავალფეროვნებაში მდგომარეობს. აქ წარმოდგენილია თანამედროვე ბიზნეს უბნები, ისეთები, როგორიცაა Nassau, სტუმრებით სავსე კაზინოები, მსხვილი სავაჭრო ცენტრები, სწრაფი კვების ობიექტების ჯაჭვი, განცალკევებული სანაპიროები და გოლფის კურსები. ბაჰამის კუნძულები კარიბების ნამდვილი მარგალიტია.

Cayman Islands

კაიმანის კუნძულები ცნობილია როგორც საუკეთესო ადგილი დაივინგისთვის, კრისტალურად სუფთა წყლით, თეთრი ქვიშიანი სანაპიროთი. შეგიძლიათ ეწვიოთ პარკებს, რეზერვებს, კუს ფერმას, წახვიდეთ ტროპიკულ ტყეში. აუცილებლად დააგემოვნეთ ადგილობრივი ზღვის პროდუქტებისგან მომზადებული კერძები.

Barbados

ბარბადოსის კუნძულები გთავაზობთ ფირუზისფერ ზღვას და მოვარდისფრო სანაპიროს, ადგილებს დაივინგისთვის, აქტიურ ღამის ცხოვრებას, ლამაზ ბუნებას. წლის ნებისმიერ დროს აქ თბილი ამინდია, კუნძული ხელმისაწვდომია ყველა ბიუჯეტისთვის.