თბილისი - ევროპის საუკეთესო მიმართულებების სამეულში

გრძელდება ჩემი მესხური მოგზაურობა. ამჯერად მინდა მოგიყვეთ საქართველოს ერთ-ერთ უმნიშვნელოვანეს კურორტზე - აბასთუმანზე. ახალციხიდან სულ რაღაც 28 კილომეტრის მანძილის გამო ბავშვობაში ხშირად დავდიოდი და კარგად ვიცნობ იქაურობას. ამ ჩასვლაზე, სამწუხაროდ, ყველაფერი იგივენაირად დამხვდა. განახლების მხრივ აბასთუმანი ერთ-ერთი ყველაზე ,,დაჩაგრული“ კურორტია საქართველოში. ისევ ძველი სახლები, ძველი პარკი, ძველი შენობები, მაგრამ, მიუხედავად ამისა, მაინც ძალიან მომნატრებია იქაურობა. განუახლებლობის მიუხედავად, არაერთი მიზეზი შემიძლია დავასახელო, თუ რატომაც უნდა წახვიდეთ აბასთუმანში.  აბასთუმანი ადიგენის მუნიციპალიტეტში მდებარეობს.თავდაპირველად IX-X საუკუნეში ქალაქ ოძრხეს სახელით იყო ცნობილი, აბასთუმანი კი XIX საუკუნიდან ეწოდა, ახლა მას დაბის სტატუსი აქვს. ეს არის ტყეში ჩაფლული ადგილი, უფრო კონკრეტულად,  წიწვოვანი ტყით გარშემორტყმული. ერთი შეხედვითაც ადვილი მისახვედრია, რომ აბასთუმნის ერთ-ერთი მთავარი ღირებულება კლიმატია. აქაური სასწაულმოქმედი ჰაერი განსაკუთრებით სასარგებლოა ფილ ...

იცით როგორია პირველი ლაშქრობა? იმ თხილიანი შოკოლადის გემო აქვს, სულის მოსათქმელად , შესვენებისას რომ ნეტარებით ჩაკბეჩ და ენერგიით აგავსებს. პირველი ლაშქრობის მოგონებებს ტალახის და ხის ფესვების სუნი ასდის, ახალამოწვერილი ბალახისფერია.  ჩემი პირველი ლაშქრობა სპონტანური და თავბრუდამხვევი იყო. მიწისფერი სომხეთიდან ვბრუნდებოდი. იდგა მაისი და ბუნება სააღდგომოდ ემზადებოდა. ვუყურებდი მიკროავტობუსის ფანჯრიდან სომხეთის კუშტ კლდეებს, ტალახისფერ გორაკებს და ჩემთვის ვბუტბუტებდი_ ”რა ლამაზი მთებია, საოცრებაა.” _შენ საოცრება არ გინახავს._ ირონიულად მომიგდო გიგამ.  ჰოდა, ასე და ამგვარად, დაგეგმა ჩვენი პირველი ერთობლივი ლაშქრობა გერგეტზე.  დღევანდელი გადმოსახედიდან გერგეტის სამებაზე ასვლას ლაშქრობას ვერ, მაგრამ გასეირნებას კი ვუწოდებ. თუმცა, მაშინ ის დღე ლაშქრობაზე მეტი იყო ჩემთვის. ეს იყო დღე, რომელმაც ჩემი ცხოვრება შეცვალა და მთებით მომწამლა.  თბილისში იდგა თბილი მაისი , იყო აღდგომა და ქალაქში მხოლოდ ხოხბებიღა შემორჩენილიყვნენ. დედაქალაქში ჩასვლისთანავე დაგვხვდნენ ...

ბირთვისის ციხის კომპლექსი ქვემო ქართლში, ალგეთის ხეობაში თეთრიწყაროდან ჩრდილო-აღმოსავლეთით  მდებარეობს. ბირთვისი ბუნების  გამორჩეული ძეგლი და საქართველოს დიდი ისტორიის მოწმეა. თავის დროზე ბირთვისის ციხე თითქმის აუღებლადაც ითვლებოდა და მე-18 საუკუნის ბოლომდე მტკიცედ იდგა ქვეყნის სადარაჯოზე. იგი ბუნებრივად  მიუდგომელ ადგილზე მდებარეობს. ბირთვისის ციხე ისტორიულ წყაროებში მე-11 საუკუნიდან იხსენიება.  ყველაზე მნიშვნელოვანი ფაქტი კი მე-15 საუკუნეში მოხდა. თემურლენგი მერვედ და უკანასკნელად შემოესია საქართველოს. ბირთვისის აღებას იგი თვითონ ჩაუდგა სათავეში. ციხეს ალყა შემოარტყა და ლოდსატყორცნიდან დაუშინა ქვები. სროლა წუთითაც არ წყდებოდა.  ერთ ღამეს ლოდსატყორცნი უეცრად დადუმდა, ამ დროს კლდეზე მცოცავებმა შეაღწიეს ციხეში და გაიმართა სასტიკი ბრძოლა, თუმცა უკვე გვიანი იყო ბირთვისი დაეცა. გადარჩენილი ქართველები თემურლენგმა სიკვდილით დასაჯა. ციხისკენ მიმავალ გზას მივყავართ ვიწრო კარამდე. შიგნით, ხელოვნურად მოსწორებულ კლდეზე, პატარა ეზო იქმნება. აქედან იწყება ციხე. მაგრამ ბირთვისი არ არის ...

ვიცი, სათაურმა დაგაბნიათ, ორაზროვანია და პოსტიც სწორედ ამიტომ გახსენით წასაკითხად. მთაზე ქორწინება მრავალნაირად შეიძლება - ახლავ სადმე, მაღალ მთაზე, სადაც საყდარია, როგორც ''შერეკილებში'' ამბობენ, იფსკვნი ჯვარს შენს გულისსწორზე და მორჩა. მეორე ხერხი ასეთია - ახვალ მთაზე, საიდანაც საოცარი ხედები იშლება და მთა შენს გულში სამუდამოდ რჩება, დაახლოებით ისე, როგორც ოცნების მამაკაცი/ქალი. მოცემულ პოსტში  ქორწინების პირველ ხერხზე გესაუბრებით და მცირე რჩევებსაც მოგაწვდით. მაშ ასე, როგორ დავქორწინდეთ მთაზე? და რაც მთავარია, რომელ მთაზე. ბოლო წლებში მთებში მდებარე საყდრებში ჯვრის დაწერა საკმაოდ მოდური გახდა. პირველობას და ერთადერთობას არავის უთმობს ულამაზესი გერგეტი. თუმცა, საქართველოში გერგეტის გარდა უამრავი მთის სალოცავია, სადაც შეგიძლიათ ჯვრისწერის რიტუალის აღსრულება. ჩვენც ცოტა სხვანაირად გადავწყვიტეთ. ჩვენ _ანუ მე და ჩემმა აწ უკვე მეუღლემ. ჩემი ჯვრისწერა ლეჩხუმში, მთა ხვამლზე მდებარე წმინდა გიორგის სალოცავში შედგა. თუ ჯვრისწერა მთაზე გადაწყვიტეთ, ეცადეთ ორგანიზებ ...

ეს თვე ფესტივალებით სავსეა. 26  ოქტომბერს, გურჯაანი პირველად უმასპინძლებს ყველისა და კულინარიის ფესტივალს. ფესტივალის ფარგლებში, ქართული ტრადიციული სამზარეულოს პოპულარიზაციის მიზნით, უამრავი საინტერესო ღონისძიება გელოდებათ. ამ დღეს გელით: ყველისა და სხვა აგროპროდუქტების გამოფენა, ყველის კერძების მომზადება, მოწვეული შეფ-მზარეულების მასტერკლასები, შეჯიბრი კერძების მომზადებაში და უამრავი სხვა სასიამოვნო სიურპრიზი. რათქმაუნდა, აქ დაგხვდებათ ქართული ღვინის კუთხეც. ღონისძიების მუსიკალურ გაფორმებაზე იზრუნებენ ადგილობრივი ეთნო-ანსამბლები, მოწვეული მომღერლები და დიჯეი. გურჯაანში, ახტალას პარკში, დილის 10 საათიდან  ყველაზე „გემრიელი“ ფესტივალი იწყება! დეტალური ინფორმაციისთვის ეწვიეთ ღონისძიების გვერდს: ქართული ყველის და კულინარიის ფესტივალი გურჯაანში ...

მიყვარს შემოდგომა. მიყვარს ბევრი მიზეზის გამო:  იმიტომ, რომ  მთაში ჩაის გემო ეძლევა, იმიტომ, რომ შარფების ხმარებას ვიწყებ, იმიტომ, რომ ყველაფერი ფერადდება და "სუნები" ტყეში ძალიან იგრძნობა ხოლმე, იმიტომ, რომ სოკო მიყვარს, იმიტომ, რომ მუხლამდე ფოთლებში სიარულისას მათი შხრიალის ხმა მსიამოვნებს,  და, რა თქმა უნდა,  იმიტომ, რომ შემოდგომას ჩემს საყვარელ ზამთრამდე მივყავარ.ახლა კი მინდა იმ გასვლაზე მოგიყვეთ, რომლის გარეშეც, ჩემი აზრით, შემოდგომა არ დადგება. ყოველშემთხვევაში, მას ვერ იგრძნობთ...  ეს კახისის ტბაა. ტბა ჩვენგან არც ისე შორს, ტბა, რომელიც აუცილებლად შეგიყვარდებათ. ზღვის დონიდან 1750 მეტრზე მდებარეობს სოფელ დაბაძველთან და, მინდა გითხრათ, რომ უკვე ნოემბერში აქ ღამით ისე ყინავს ბუმბულის საძილის გარდა, რთულად თუ გაგათბობს კაცს რამე.  თუმცა კი, დიდი ალბათობით, ძვლებისა და ყბის კანკალით გაათენებთ ღამეს, სანაძლეოს ჩამოვალ, დილას მაინც ბედნიერები იქნებით, შემოდგომის ფერები ტბის ფონზე გაგითბობთ ღამის სიგრილეს.   ...

  წინა საახალწლოდ გაზრდილია მოთხოვნა მთის კურორტებზე, სასტუმროს ჯავშნები ხშირად გაზაფხულის ბოლოდანაც იწყება. ფასები ცვალებადია, დამოკიდებულია არჩეულ რეგიონზე და დასარჩენ ადგილზე. დამსვენებელს აქვს საშუალება არჩევანი გააკეთოს სასტუმროს, კოტეჯსა და აპარტამენტს შორის. ზამთრის კურორტებიდან ყველაზე აქტუალურია: გუდაური ბაკურიანი სვანეთი   ტურისტული ნაკადი წლების განმავლობაში თანდათან იზრდება, ეს გამოიწვია ინფრასტრუქტურის განვითარებამ და სხვადასხვა გასართობი აქტივობების გაფართოებამ. დამსვენებელს შესაძლებლობა აქვს აირჩიოს მისთვის საინტერესო დასვენების სტილი, აქტიური ან პასიური.   ექსტრემის მოყვარულებს შეგვიძლია შევთავაზოთ:   თხილამურებით სრიალი. ფასი: 25-30 ლარამდე. სნოუბორდით სრიალი. ფასი: 25-35 ლარამდე. ბურანით გასეირნება: ფასი- 20 ლარიდან. პარაპლანით ფრენა. დამოკიდებულია არჩეულ რეგიონზე:      ბაკურიანი- 200; გუდაური-300; სვანეთი- 350.   გთავაზობთ კურორტებზე სასტ ...

07:30 სთ. თბილისი, დიდუბის ავტოსადგური. დილის რვის ნახევარია და ყველაფერი გენიალურადააა! დიდუბის ავტოსადგური ჩვეული ხმაურით და აურზაურით იღვიძებს. ხალხი დაფუსფუსებს, მძღოლები თავისკენ უხმობენ პოტენციურ კლიენტებს შეძახილებით: აბა, ქუთაისი გავიდა, ქუთაისი! გორი, აქეთ, გორი!  რაც დღემდე ჩემთვის ერთობ ამოუხსნელი მარკეტინგული ხრიკია, თუმცა who cares, my adventure awaits! სულმოუთქმელად ველი სტეფანწმინდის მარშუტკის შევსებას, რაც ჩემი თავგადასავლის დაწყების პირდაპირპროპორციულია. 10:30 სთ. კობი.  ხევში, იგივე ყაზბეგში, ჩემი ვიზიტების მრიცხველი უკვე სამს აჩვენებს, თუმცა თრუსოში მანამდე ჯერ არ ვყოფილვარ.  ფოტოებით, ვიღაცების რეკომენდაციებით და ა.შ. საკმაოდ მსუყე მოლოდინები მაქვს.  მივდივარ და "თერგი რბის, თერგი ღრიალებს" ჩვეულ ამპლუაში.  დროდა დრო თვალს ძლივს ვუსწორებ, რაც ჩემს წყლისადმი, განსაკუთრებით კი მთის მდინარეებისადმი შიშს ერთი ორად ამძაფრებს. სასწრაფოდ თვალს ვაშორებ და ყურადღება სხვა ობიექტზე გადამაქვს, რადგან უსუსურობა არც ...

დაბადების დღე წელიწადში მხოლოდ ერთხელ არის და ქალაქი თბილისიც არ არის გამონაკლისი. დაზუსტებით არ ვიცით თარიღი, როდის გადაწყვიტა ვახტანგ გორგასალმა თბილისის დაარსება იმ ადგილას სადაც ცხელ წყაროში ჩავარდნილი ხოხობი იპოვნა. მაგრამ,  უკვე წლების მანძილზე თბილისობას აღვნიშნავთ შემოდგომით. პირველად ეს დღესასწაული 1979 წელს აღინიშნა. 2018 წლიდან ეს ხდება ოქტომბრის პირველ შაბათ-კვირას, იქამდე კი აღინიშნებოდა ოქტომბრის ბოლო შაბათ-კვირას. რატომ შემოდგომით? პასუხი მარტივია, მოსავალი უკვე აღებულია, თბილისში კი ოქტომბრის ამინდი ჯერ კიდევ საკმაოდ თბილია, ბუნება აყვავებულია ნაირგვარი შემოდგომის ელფერებით... მგონი, სხვა არც არაფერა საჭირო სადღესასწაულო განწყობისათვის. რას უნდა მოველოდეთ თბილისობაზე? ხილის, ბოსტნეულის და ყველის დიდ მარაგს, ფელამუშს, ჩურჩხელებს და რა თქმა უნდა ქართულ ღვინოს. ასევე ახალ მომზადებულ ხინკალს და მწვადს. იმართება ბევრი სახეობის შოუები, მოსავლის აღებისა და ისტორიული სცენების იმიტაცია, კონცერტები, თამაშები. აქ შეგიძლიათ შეიძინოთ თითქმის ყველაფერ ...

ვაშლოვანის ეროვნული პარკი ეროვნული პარკი დედოფლისწყაროს მუნიციპალიტეტში მდებარეობას, მისი საერთო ფართობი 25114 ჰა-ია. ეროვნული პარკის შემადგენლობაში შედის: ვაშლოვნის სახელმწიფო ნაკრძალი და თავად ვაშლოვნის ეროვნული პარკი. როგორ მოვხვდეთ ეროვნულ პარკში? თუ თბილისიდან გამგზავრებას აპირებთ, ორთაჭალის ავტოსადგომიდან შეგიძლიათ დედოფლისწყაროს მიმართულებით გაემგზავროთ, ან თელავის მიმართულებით, საიდანაც ავტომობილით 1, 45 სთ დაგჭირდებათ პარკში მისასვლელად. აქ სავალი ბილიკები კეთილმოწყობილია, მის გასწვრივ ბუნგალოები, საპიკნიკე და საკემპინგე ადგილები მრავლადაა, რაც საოცარ კომფორტს უქმნის ვიზიტორს. რის მონახულებას შევძლებთ პარკში? ვაშლოვანის ეროვნული პარკის ტერიტორიაზე უნიკალური ადგილებია, რომლის მსგავსსაც საქართველოში ვერ მოინახულებთ, ეს არის საოცარი კომბინაცია ტყისა და უდაბნოსი, ულამაზესი ხედები, გასაოცარი სიმშვიდე და ამასთანავე ბობოქარი ბუნება, ფლორისა და ფაუნის გასაოცარი ჯიშები თქვენს ყურადღებას ნამდვილად მიიქცევს. ეროვნული პარკის ბილიკების გასავლელად ა ...