01 March 2017
  • 2854 ნახვა

ტურიზმის განვითარების პერსპექტივები საქართველოში და სტრატეგიული მიზნები

საქართველოს ტურიზმის ეროვნული ადმინისტრაციის კვლევებისა და დაგეგმვის სამმართველოს ორგანიზებით 2017 წლის 27 აპრილს ჩატარდება საერთაშორისო კონფერენცია თემაზე: ,,ტურიზმის განვითარების პერსპექტივები საქართველოში და სტრატეგიული მიზნები“. კონფერენციაში მონაწილეობის მიღება შეუძლიათ უცხოეთში და საქართველოში აკრედიტებული უნივერსიტეტების ბაკალავრიატის, მაგისტრატურის და დოქტორანტურის სტუდენტებს. ასევე პროფესიულ სასწავლებლებსაც.  ნაშრომი უნდა ემსახურებოდეს საქართველოს ტურიზმის სტრატეგიაში წარმოდგენილ რვა სტრატეგიული მიზნიდან ერთ-ერთის ან რამდენიმეს შესრულებას:

1.       ტურიზმის სფეროში სახელმწიფო და კერძო ინვესტიციების გაზრდა;

2.       ბიზნეს გარემოს გაუმჯობესება ვიზიტების რაოდენობის, უცხოური და ადგილობრივი ინვესტიციების გაზრდის ხელშეწყობის მიზნით;

3.       ეფექტიანი მარკეტინგისა და საინფორმაციო კამპანიის საშუალებით ვიზიტორების მოზიდვა მაღალგადახდისუნარიანი ბაზრებიდან; შიდა ტურიზმის სტიმულირება;

4.       კონკურენტუნარიანობის გაზრდა მსოფლიო დონის ტურისტული მომსახურების შეთავაზების გზით;

5.       ბუნებრივი და კულტურული მემკვიდრეობის რესურსების გამოყენებით ტურიზმში უნიკალური ავთენტური გამოცდილების შექმნა;

6.       საქართველოს ბუნებრივი და კულტურული მემკვიდრეობის პატივისცემა, დაცვა და წარმოჩენა;

7.       მონაცემთა მოპოვებისა და ანალიზის, ასევე, სექტორის განვითარების შეფასების მასშტაბის გაფართოება და გაუმჯობესება;

8.       პარტნიორული ურთიერთობების დამყარება სახელმწიფოს, ტურიზმის ინდუსტრიის წარმომადგენლებს, არასამთავრობო ორგანიზაციებსა და ადგილობრივ მოსახლეობას შორის.

ნაშრომში წარმოდგენილი იდეები აისახება ტურიზმის სამოქმედო გეგმაში და განხორციელდება.

კონფერენციის მიზანი:

ხელი შეუწყოს უნივერსიტეტებისა და საქართველოს ტურიზმის ეროვნული ადმინისტრაციის თანამშრომლობის გაძლიერებას და სტუდენტების ჩართულობის ამაღლებას ქვეყანაში ტურიზმის განვითარების საკითხებში. კონფერენცია სტუდენტებს მისცემს შესაძლებლობას ჩაატარონ ინდივიდუალური კვლევები და შესთავაზონ ახალი იდეები საქართველოში ტურიზმის პოლიტიკის მთავარ განმსაზღვრელ ორგანოს და ამით საკუთარი წვლილი შეიტანონ ტურიზმის სტრატეგიით განსაზღვრული მიზნების შესრულების საქმეში.

მნიშვნელოვანი თარიღები:

15 მარტი– თეზისების წარმოდგენის ბოლო ვადა. მოცულობა  – 1-2 გვერდი.

20 მარტი- მომდევნო ეტაპზე გადასული კანდიდატების განსაზღვრა და მათი ინფორმირება.

5 აპრილი- ნაშრომების მიღების ბოლო ვადა, მოცულობა 5-10 გვერდი.

20 აპრილი-შერჩეული ნაშრომების ავტორების გამოვლენა.

27 აპრილი- პრეზენტაციების და გამოგზავნილი ნაშრომების საფუძველზე გამარჯვებულების გამოვლენა.

სტუდენტები გამართავენ ნაშრომების პრეზენტაციას, რის საფუძველზეც გამოვლინდება გამარჯვებულები. ისინი დაჯილდოვდებიან სპეციალური პრიზებით. ასევე, შერჩეული ნაშრომები დაიბეჭდება ტურიზმის ეროვნული ადმინისტრაციის ყოველწლიურ მიმოხილვასთან ერთად კრებულში სახელწოდებით “ტურიზმის განვითარების პერსპექტივები საქართველოში და სტრატეგიული მიზნები“. კონფერენციის ყველა მონაწილეს გადაეცემა სერტიფიკატი. კონფერენციის შედეგად მოხდება წარმატებული სტუდენტების მონაცემთა ბაზის შექმნა და მათი გათვალისწინება საქართველოს ტურიზმის ეროვნულ ადმინისტაციაში სტაჟირების ან მომავალი დასაქმების თვალსაზრისით.

თეზისები და საბოლოო ნაშრომები გთხოვთ გამოაგზავნოთ შემდეგ მისამართზე:

tourismconference@gnta.ge

მიუთითეთ თქვენი სახელი გვარი, ხელმძღვანელი (არსებობის შემთხვევაში), სწავლის საფეხური და უნივერსიტეტი.  ასევე საჭიროა თეზისში მითითებულ იქნას სტრატეგიული მიზანი, რომლის შესრულებასაც ემსახურება აღნიშნული თემა.

დამატებითი ინფორმაციისთვის ეწვიეთ: http://gnta.ge/conference

კონფერენციის მხარდამჭერია Turebi.Ge - N1 ტურისტული პორტალი საქართველოში, რომელიც საკუთარ რჩეულს მონაწილეს დაასახელებს.

მსგავსი
18 April 2018

ტურიზმის ეროვნული ადმინისტრაციის ორგანიზებით სტუდენტური კონფერენცია ჩატარდა

ტურიზმის ეროვნული ადმინისტრაციის ორგანიზებით სტუდენტური კონფერენცია "ტურიზმის განვითარების პერსპექტივები საქართველოში და ს...

05 April 2018

Wizzair-ი ქუთაისიდან ფრენებს ევროპის კიდევ ერთ დედაქალაქში შეასრულებს

დაბალბიუჯეტიანი ავიაკომპანია Wizzair-ი ქუთაისის საერთაშორისო აეროპორტიდან პირდაპირ რეისებს კიდევ ერთ ევროპულ დედაქალაქში შეასრუ...

26 March 2018

საქართველოს მოქალაქეები ალბანეთში უვიზოდ იმოგზაურებენ

ალბანეთმა საქართველოს მოქალაქეებისთვის სავიზო რეჟიმი გააუქმა. აღნიშნული ინფორმაცია უკვე გამოქვეყნდა ორივე ქვეყნის საგარეო საქმე...

26 March 2018

საქართველოში რობერტ პლანტის კონცერტი გაიმართება

ლეგენდარული ჯგუფის Led Zeppelin-ის სოლისტი რობერტ პლანტი საქართველოს ეწვევა. მუსიკოსი Black Sea Jazz Festival-ის ფარგ...

19 March 2018

განახლებული ტურისტული ლოკაციები თერჯოლის რაიონში

თერჯოლის რაიონი ტურისტულ სეზონს განახლებული ლოკაციებით და ინფრასტრუქტურით ხვდება. ყველაზე მნიშვნელოვანი სიახლე რაიონი...

19 March 2018

ნავენახევის მღვიმე ოფიციალურად 14 მაისს გაიხსნება

თერჯოლის რაიონში მდებარე ნავენახევის მღვიმე ოფიციალურად 14 მაისს გაიხსნება. მღვიმეში შიდა ინფრასტრუქტურასთან ერთად, მოეწყო გარე...

02 March 2018

უსაფრთხოების წესები ისრაელში გამგზავრების მსურველებისთვის

იერუსალიმის პოლიციის ხელმძღვანელობა ცეცხლის გარდამოსვლის ცერემონიასთან დაკავშირებით უსაფრთხოების წესების შესახებ სპეციალურ განც...

02 March 2018

უვიზო მიმოსვლის დღეების გამომთვლელი მობილური აპლიკაცია შეიქმნა

იუსტიციის სამინისტრომ უვიზო მიმოსვლის დღეების გამომთვლელი მობილური აპლიკაცია „Schengen/EU App“ შექმნა  ...

28 February 2018

კონფერენცია თემაზე ,,ტურიზმის განვითარების პერსპექტივები საქართველოში და სტრატეგიული მიზნები“

საქართველოს ტურიზმის ეროვნული ადმინისტრაცია ქ. თბილისში 14 აპრილს ექსპო ჯორჯიას საგამოფენო პავილიონში ატარებს ყოველწლიურ ს...

23 February 2018

ტურიზმის სფეროში კარიერის დასაგეგმად გამოფენა მოეწყობა

ტურიზმის სფეროში კარიერის დასაგეგმად სტუდენტებისთვის 27 თებერვალს გამოფენა მოეწყობა. ეკონომიკისა და მდგრადი განვითარების სამინი...