31 July 2018
  • 2550 ნახვა

აუცილებლად სანახავი ადგილები აჭარაში

თუ დასასვენებლად შავი ზღვის სანაპიროს ირჩევთ, შეგიძლიათ დასევენების პერიოდში განსხვავებული აჭარაც აღმოაჩინოთ. მართალია, აჭარა ზღვასთან ასოცირდება, თუმცა მის ტერიტორიაზე ყველანაირი გემოვნების და ინტერესების მქონე ადამიანი იპოვის მისთვის საინტერესო მიმართულებებს თუ ობიექტებს.

გთავაზობთ იმ ადგილების ჩამონათვალს, რომლის ნახვითაც თქვენი აჭარული დასვენება გაცილებით მრავალფეროვანი შეგიძლიათ გახადოთ.

პეტრას ციხე ქობულეთიდან ბათუმისკენ მიმავლებმა ციხისძირში შეგიძლიათ მოინახულოთ. ის იმპერატორ იუსტინიანეს ბრძანებით ააშენა ბერძენმა იოანე სტრატიგოსმა 535 წელს. „პეტრა“ ბერძნულად კლდეს ნიშნავს. ქართულ საისტორიო წყაროებში ის ქაჯეთის ციხედაც იწოდება.

პეტრას ციხე, ქაჯეთის ციხე

 ბათუმის (სალიბაურის) სამების ტაძარი ბათუმის ცენტრიდან 8 კმ-ში მდებარეობს. ახალაგებული ტაძრის ეზოდან ბათუმისა და ზღვის არაჩვეულებრივი ხედები იშლება. ტაძრის უკან სამების სახელობის დედათა მონასტერია.

ბათუმის სამების ტაძარი

აჭარაში დასვენებისას ნამდვილად ღირს, რომ თუნდაც ერთი დღე დაუთმოთ ქედის მუნიციპალიტეტში სტუმრობას. ბათუმიდან დაახლოებით 1 საათში შეგიძლიათ მოხვდეთ მახუნცეთის ჩანჩქერთან. 50 მეტრი სიმაღლის ჩანჩქერი მდინარე აჭარისწყლის მარჯვენა მხარეს მდებარეობს, მასთან მოსახვედრად კი თამარის ხიდი უნდა გადაიაროთ, რომელიც აჭარაში ყველაზე დიდი თაღოვანი ხიდია. მისი სიგრძე 20 მეტრია, ხოლო სიმაღლე – 6 მეტრი.

თამარის ხიდი

მახუნცეთის ჩანჩქერი

თუ საზღვაო დასვენებასთან ლაშქრობის და ექსტრემალური გართობის შეთავსებაც გსურთ, მტირალას ეროვნული პარკი თქვენს განკარგულებაშია. პარკამდე ჩაქვიდან დაახლოებით 15 კმ-ია. აქ ორი სალაშქრო ბილიკია: 7 კმ-იანი წაბლნარის ბილიკი და 15 კმ-იანი ცივწყაროს ბილიკი. მტირალას ეროვნულ პარკში ზიპლაინითაც შეგიძლიათ დაეშვათ.

მტირალას ეროვნული პარკი

თუ ბუნებისთვის და საინტერესო თავგადასავლებისთვის უფრო მეტ დროს გამოყოფთ, მწვანე ტბა და ბეშუმი არ უნდა დატოვოთ უყურადღებოდ. მწვანე ტბაზე მოსახვედრად ბათუმიდან ხულოს სამარშრუტო ტაქს შეგიძლიათ გაყვეთ, რომელიც ყოველ საათში მოძრაობს და ღირებულება 5 ლარია. ხულოში კი მაღალი გამავლობის მანქანის დაქირავება შეგიძლიათ, რომელიც ტბაზე აგიყვანთ და ჩამოგიყვანთ. ან უბრალოდ ტბასთან კარვებით დარჩენა შეგიძლიათ.

მწვანე ტბა

რაც შეეხება კურორტ ბეშუმში მოხვედრას, ბათუმის ავტოსადგურიდან კურორტის მიმართულებით ყოველდღე 08:50 სთ-ზე გადის სამარშრუტო ტაქსი, რომლის ღირებულება 15 ლარია. ასე ბათუმიდან ბეშუმში დაახლოებით 4 საათში იქნებით. ღამის გათევა ადგილზე განთავსებულ კოტეჯებში 15-25 ლარი დაგიჯდებათ.

კურორტი ბეშუმი

 

 


მსგავსი
06 December 2017

კინჩხა - სამი წლის წინ და დღეს

"მოვიარე გორდი, კინჩხა  ვერ ვიპოვე მჭადის ფინჩხა” ყვება ქართული ხალხური ლექსი ხ...

27 November 2017

რატომ უნდა წავიდე ზამთარში აბასთუმანში?!

თითქმის ყველა სეზონზე ვარ აბასთუმანში ნამყოფი და უნდა გამოგიტყდეთ, რომ ჩემი საყვარელი პერიოდი ამ ადგილისთვის გაზაფხულის მიწურილ...

10 November 2017

ლაშქრობა პირველი - გერგეტის სამება

იცით როგორია პირველი ლაშქრობა? იმ თხილიანი შოკოლადის გემო აქვს, სულის მოსათქმელად , შესვენებისას რომ ნეტარებით ჩაკბეჩ და ენერგი...

18 October 2017

საღამოს ტბა - არაფრის კეთების დღე სამცხე-ჯავახეთში

სამცხე-ჯავახეთი. შემოგდომა. საღამოს ტბა. ...

12 October 2017

მაჭის ციხე - შემოდგომა ლაგოდეხის ნაკრძალში

ლაგოდეხის ნაკრძალი რაოდენ მშვენიერი სანახავია, ამის მოყოლას არ დავიწყებ. ჩვენს დიდ უმრავლესობას იქ ზაფხულობით დაგვისვენია, თუმც...

21 September 2017

რა მასწავლა კახისის ტბამ

მიყვარს შემოდგომა. მიყვარს ბევრი მიზეზის გამო:  იმიტომ, რომ  მთაში ჩაის გემო ეძლევა, იმიტომ, რომ შარფების ხმარებას ვი...

29 August 2017

ვარძია - მოგზაურობა მესხეთში

მესხეთში მოგზაურობა წარმოუდგენელია ვარძიის ნახვის გარეშე. ვარძია ხომ არა მარტო მესხეთის, არამედ მთლიანად საქართველოს ისტორიის გ...

29 August 2017

ზარზმა/ჭულევი - მოგზაურობა მესხეთში

ზაფხულის უდიდეს ნაწილს მესხეთში ვატარებ, ამიტომ ვცდილობ დასვენება მოსაწყენი და ერთფეროვანი არ იყოს. მესხეთი კი ბევრ შესაძლებლობ...

21 August 2017

აბასთუმანი - მოგზაურობა მესხეთში

გრძელდება ჩემი მესხური მოგზაურობა. ამჯერად მინდა მოგიყვეთ საქართველოს ერთ-ერთ უმნიშვნელოვანეს კურორტზე - აბასთუმანზე. ახალციხიდ...

15 August 2017

ბორჯომი , და არა მარტო...

დარწმუნებული ვარ ქალაქში, რომელზეც ახლა უნდა ვისაუბრო, ყველა თუ არა უმეტესობა თქვენგანი მაინც არის ნამყოფი და შეიძლება ეს თქვენ...