14 უცნობი, მაგრამ აუცილებლად სანახავი ტურისტული მიმართულება. ნაწილი I

ეს საოცარი ადგილი 1989 წელს შეიქმნა შოტლანდიაში, ქალაქ დამფრისში. ეგზოტიკური, ფერად-ფერადი ყვავილნარების და ბუჩქების მაგიერ აქ ალუმინის საყვავილეებია, უხვწყლიანი შადრევნების მაგიერ - შავი ხვრელები და ოპტიკური ილუზიები, ხოლო ლანდშაფტი მნახველებს უჩვეულო ფორმებით, გადაწყვეტილებებით და ხედებით ნუსხავს.  ამ ბაღში სეირნობისას შეიძლება იფიქრო, რომ ეს ადამიანის მიერ შექმნილი კი არაა, არამედ ვიღაც, არამიწიერი ცივილიზაციის წარმომადგენლების ნაყოფია. სინამდვილეში ამ ბაღის შემქმნელი რეალური ადამიანია - ჩარლს ჯენქსი - მოქმედი არქიტექტორი და კრიტიკოსი. ბაღი მან ცოლთან  - ლანდშაფტის დიზაინერთან მეგი კესვიკ-ჯენქსთან ერთად შექმნა. 1988 წელს მეგიმ დედისგან მემკვიდრეობა -  მამული Portrack House მიიღო. მამულის მიწების საერთო მოცულობა 16 ჰექტარი იყო. არაფერი განსაკუთრებული აქ არ იყო - ბოსტანი, სხვადასხვა ხეხილი, ორანჟერეა და ბეგონიების კოლექცია. მეგიმ აიღო ეს ტერიტორია და ისეთი პარკის შექმნა გადაწყვიტა, რომელსაც დედამიწის ზურგზე არსებულ არც ერთ პარკს არ ემგვანებოდა. კონცეფციის შემუშავებისა ...

მოგზაურობა მაშინ დაიწყო, როცა დათამ მომწერა, სალი გაემზადე, თებერვლისთვის ირანში მივდივართო (!); მოულოდნელობაც ამას ერქვა - მეთქი რა ირანი, რატო, რითი, ვინ, ვისთან...პასპორტი მე არ მქონდა და არაფერი, მერე კიდე სახლში ხო გინდა განაცხადო, როგორია: ჰეი, მშობლებო, მე ირანში მივდივარ, თებერვალში... ავტოსტოპით!.. მაგრამ ერთი წამით არ მიფიქრია, რომ ამ შანსს ხელიდან გავუშვებდი... და მოგზაურობაც დაიწყო! მოკლედ, შევქმენით მარშრუტი, რუკა დავხაზეთ, COUCHSURFING-ს შევესიეთ (შევესიეთ რა, შევესიე :D ), must see ადგილები მოვნიშნეთ, პასპორტები შევუკვეთეთ, ირანული აპლიკაციები მოვიძიეთ საკომუნიკაციოდ (დაილოცოს Telegram :D იქ სოციალური მედია შეზღუდულია VPN-ის გარეშე, ამაზე უფრო ვრცლად ცოტა ქვემოთ). ქართული სამახსოვრო თუ საფოსტო ბარათები ვიყიდეთ იქ დასარიგებლად. მოვიმარაგეთ აღჭურვილობა და ნივთები (რკინის ჭიქა ვიყიდე :D ).  ერთმანეთს შევუთანხმეთ ბარგის ზომა-წონა, ყველაფერზე კითხვას ვსვამდით: რამდენი ფეხსაცმელი ჩავდო, სვიტრი? კაშნე? ჯანდაბა? ეს გვინდა, ის წამოვიღო, ეს ასე? ის ისე?! მოკლედ, ალიაქოთი! ...

შრი-ლანკა ტროპიკული და განსაკუთრებულად მრავალფეროვანი კუნძულია. მას შეუძლია შემოგთავაზოთ ყველაფერი: ქვიშიანი სანაპირო, ბუდისტური შენობები, ჩაის პლანტაციები, გამწვანებული მთები, ველური ბუნება. შრი-ლანკაზე მოგზაურობისთვის საუკეთესო დრო დეკემბერი-მარტის და აპრილი-სექტემბრის შუალედია.   რა ჯდება მოგზაურობა შრი-ლანკაზე? ფასები განსხვავდება ტურისტული კომპანიების მიხედვით, თუმცა თანხა, რომლითაც შრი-ლანკაზე შეგიძლიათ გამგზავრება, საშუალოდ, 1400 ლ-დან იწყება. რა შედის საფასურში? თითქმის ყველა ტურ-პაკეტის ღირებულება მოიცავს: ორმხრივი ავიაბილეთი განთავსება კვება სასტუმროს მიხედვით ტრანსფერი სამოგზაურო დაზღვევა ფასი მოცემულია ერთ ადამიანზე ორადგილიან ნომერში ღირებულებაში არ შედის სავიზო მოსაკრებელი რომლის ფასი, ტუროპერატორების მიერ მითითებული განცხადებების მიხედვით,  35-40$-ს შეადგენს. გთავაზობთ ტურისტული სააგენტოების მიერ, შრი-ლანკას მიმართულებით, Turebi.Ge- ზე გამოქვეყნებულ ტურ-პაკეტებს. მარცინ თრეველი იხილეთ ტური ტურისტული კომპანია ...

ქალაქებ, სადაც არასოდეს ვყოფილვათ, მაგრამ უკვე ბევრჯერ ვიმოგზაურეთ... ეს ის ქალაქებია, რომლებსაც ყველაზე ხშირად სტუმრობენ და შესაბამისად, იღებენ ტურისტები... 1 . ფლორენცია, იტალია   ფლორენცია ტოსკანის ყველაზე მჭიდროდ დასახლებული ქალაქია 367 569 მცხოვრებით. 1982 წელს გამოცხადდა მსოფლიოს კულტურულ მემკვიდრეობად. მდინარე არნოზე გაშენებული ქალაქი ულამაზესი პეიზაჟებით გამოირჩევა. ფლორენცია ხშირად მოიაზრება იტალიური რენესანსის აკვნად. მან დიდი გავლენა იქონია მსოფლიოზე კულტურული და ისტორიული თვალსაზრისით და  საუკეთსოდ შენახული რენესანსული ქალაქია. აქაა მიქელანჯელოს ცნობილი ქანდაკება - დავითი.აუცილებლად მოსანახულებელი ადგილების სიაში შედის უფიცის გალერეა, პონტე ვეკიოს ხიდი, ჯოტოს სამრეკლო,ბობოლის ბაღები და ა.შ.... 2. მონრეალი, კანადა მონრეალი  — ქალაქი კანადის კვებეკის პროვინციაში. წარმოადგენს ქვეყნის მეორე და ჩრდილოეთ ამერიკის მეშვიდე უდიდეს ქალაქს. 3. ბარსელონა, ესპანეთი ბარსელონას სიყვარულით ესპანეთის მეორე დედაქალაქსაც ეძახიან. ის კატალონიის დედაქალაქი და ს ...

ნახეთ ქვეყნებში იმაზე მეტი, ვიდრე ცნობილი ტურისტული ღირსშესანიშნაობებია, რადგან ზოგჯერ შეიძლება პატარა ქალაქმა უფრო დიდი შთაბეჭდილება მოახდინოს, ვიდრე ცნობილმა მეგაპოლისმა. ნაწილი I 8. კანიონი Fjaðrárgljúfur, ისლანდია ისლანდიის სამხრეთ-აღმოსავლეთში მდებარე ბუნების ძეგლი ზღაპრულ სამყაროს მოგვაგონებს. ისლანდია ულამზესი პეიზაჟების ქვეყანა რომაა, ამაზე დიდი ხანია შეთანხმდა მსოფლიო, მაგრამ კანიონი განსაკუთრებით გამოირჩევა. მდინარე ფიადრას კანიონი დიდი გამყინვარების შედეგადაა წარმოქმნილი. მისი სიგრძე 2 კილომეტრი, ხოლო სიღრმე დაახლოებით ასი მეტრია. 9. ალბერობელო, იტალია ვერსად ნახავთ ისეთ კონუსურ სახურავებს, რომელსაც ამ პატარა ქალაქში შეხვდებით.  ალბერობელო იტალიაში, აპულიის რეგიონის ბარის პროვინციაში მდებარეობს. ქალაქი ცნობილია თავისი უნიკალური ნაგებობებით - ტრულოებით, რომლებიც 1996 წელს იუნესკომ მსოფლიო მემკვიდრეობის სიაში შეიტანა. ქალაქის ისტორია XVI საუკუნის მეორე ნახევრიდან იწყება, როდესაც აქ გლეხები მოვიდნენ, რომლებიც მიწას ამუშავებდნენ. ლეგენდის თანახმად, ახალმოსახლეე ...

დედამიწაზე არსებობს ადგილები, სადაც შესვლა აკრძალული და ზოგჯერ სიცოცხლისთვის სახიფათოც კია... 1. სურტსეის კუნძული   აკრძალვის მიზეზი: სამეცნიერო ექსპერიმენტები. 1963 წელს ისლანდიაში წყალქვეშა ვულკანი ამოიფრქვა და დროის მოკლე მონაკვეთში 2.7 კვადრატული კილომეტრის ფართობის კუნძული წარმოიქმნა.  კუნძულის შესწავლა მსოფლიოს უამრავი ქვეყნიდან ჩამოსულმა მეცნიერებმა დაიწყეს, რადგან ეს ნათელი მაგალითი იყო იმის, თუ როგორ წარმოიშობა ახალი კუნძულები. 2000 წლისათის ეროზიის გამო კუნძულის ფართობი 1,5 კმ²-მდე შემცირდა.  კუნძული დაუსახლებელია, იუნესკოს მსოფლიო მემკვიდროების ძეგლადაა გამოცხადებული და ტურისტებისთვის დახურულია. 2. კუნძული კეიმადა-გრანდი აკრძალვის მიზეზი: შხამიანი ქვეწარმავლების სიუხვე. კეიმადა-გრანდის კუნძული ბრაზილიის სანაპიროდან 35 კილომეტრში მდებარეობს და ერთი შეხედვით დედამიწაზე არსებულ სამოთხეს მოგვაგონებს. თუმცა, ასეთ სამოთხეში სტუმრობა შეიძლება სიცოცხლის ფასად დაგიჯდეთ, რადგან მიწის ამ პატარა ნაგლეჯზე უამრავი შხამიანი გველ ...

ავიაკომპანია Fly Dubai - ს რეისი უკვე ასრულებდა თითქმის 5 საათიან ფრენას დუბაიდან კოლომბოს მიმართულებით, ადგილობრივი დროით დილის 4:00 იყო, ილუმინატორებიდან გარიჟრაჟი ჩანდა. სადღაც შორს, ქვიშიან სანაპიროს ინდოეთის ოკეანის ტალღები ხვდებოდა, ნაპირს კი მთელს სიგრძეზე მიუყვებოდა მწვანე პალმების ზოლი. ეს იყო ჩემი პირველი მოგზაურობა შორეულ ტროპიკულ მხარეში და მოუთმენლად ველოდი, თუ როდის დაიწყებდა ლაინერი დაშვებას.   კუნძული შრი ლანკა, იგივე ცეილონი. სუსხიანი ზამთრისგან დაღლილი ადამინისათვის ეს ადგილი არის შველა და ბედნიერება. აეროპორტშივე გვხდება წარწერა : “Welcome to our paradise island” და უკვე გრძნობ, რომ წინ არაჩვეულებრივი დღეები გელის. საუკეთესო სეზონი აქ ნოემბრიდან აპრილის ჩათვლით არის - მე მარტის თვეში ვიმოგზაურე. ავიაბილეთი დაახლოებით 500 დოლარამდეა, თუმცა აქაც შეგიძლიათ სხვადასხვა პრომო-ტარიფებს ჩაუსაფრდეთ. ტურისტულ ვიზას ადგილზევე აიღებთ სულ რაღაც 35 დოლარად. პირველი, რაც აეროპორტის ტერმინალიდან გამოსულ ტურისტს დახვდება - ეს არის საოცრად ნოტიო ...

პანდემიის პირობებში მუდმივად იცვლება საზღვრის გადაკვეთის წესები, თუმცა გთავაზობთ ევროპის ქვეყნების სიას, სადაც საქართველოს მოქალაქეებს შეუძლიათ ტურისტული მიზნით იმოგზაურონ: ქვემოთ ჩამოთვლილი ქვეყნების უმეტესობა ითხოვს ვაქცინაციის სრულად ჩატარებული კურსის დამადასტურებელ სტატუსს ავსტრია ალბანეთი (ვაქცინაციის სტატუსის მიუხედავად) ესპანეთი ესტონეთი ისლანდია მოლდოვა მონტენეგრო პოლონეთი სერბეთი (ვაქცინაციის სტატუსის მიუხედავად) სომხეთი შვეიცარია ხორვატია ბოსნია და ჰერცოგოვინა თურქეთი ლიტვა ნიდერლანდები რუმინეთი უკრაინა უნგრეთი ფინეთი ...

მსოფლიოში ცნობილი ყინულის სასტუმრო შვედეთში , სოფელ იუკასავრში მდებარეობს. სასტუმრო 1990 წლიდან ფუნქციონირებს და იგი მსოფლიოში პირველი ყინულის სასტუმროა.  მის ასაშენებლად თოვლი და 100 000 ტონაზე  მეტი ყინული და რკინის კარკასი   გამოიყენება. სხვადასხვა ქანდაკებები, გაფორმებები, ყინულის ნახატები სასტუმროს დიზაინს  ნამდვილ ხელოვნების ნიმუშად აქცევს. სასტუმროს ყინულის კარი ტურისტებისთვის 6 დეკემბერს იღება.  ზღაპრულ ნაგებობაში ღამის გატარება 13 აპრილამდე არის შესაძლებელი, მიუხედავად ასეთი მცირე დროისა, მსფლიოს სხვადასხვა ქვეყნიდან შვეიცარიაში  ათასობით ტურისტი ჩადის ყინულის საძნებელად  ღამის გასათევად. სასტუმროში 80 ნომერია,  სტანდარტული ნომრის ღირებულება  360$- ია , ხოლო ყველაზე ძვირიანი აპარატამენტი-  1452$.  ყინულის შენობაში განთავსებულია ყინულის ბარი , ყინულისავე ჭიქებით  და რესტორანი , სადაც ჭურჭელი მხოლოდ ყინულისაა. ოთახებში ტემპერატურა  მუდმივად - 8 გრადუსია , ამიტომ სტუმრები საძილე ტომრებში და ირმის ქურ ...

სარკინიგზო ექსკურსიები საინტერესო გამოცდილებაა მათთვის, ვისაც მატარებელში ძილი ხიბლავს, პეიზაჟების თვალიერება კი ვაგონის ფანჯრიდან ურჩევნია. მათთვის, ვისაც ბევრი დრო აქვს და მისი ხარისხიანად გატარება სურს. 1. Hiram Bingham Orient Express ეს უნიკალური მოგზაურობა სამუდამოდ დაგამახსოვრდებათ. შემადგენლობაში სამი ვაგონ-რესტორანი, სამზარეულო ვაგონი და პანორამული ხედის მქონე ვაგონი-კაფე შედის. ეს საუკეთესო საშუალებაა გარშემომყოფი პეიზაჟებით დასატკბობად. მარშუტი ინკების წმინდა ველზე იწყება, ანდებზე გადის და მაჩუ-პიქჩუს მიდამოებში მთავრდება. 2. Royal Scotsman შოტლანდიის პეიზაჟები იშვიათად ხვდება მსოფლიოს ყველაზე ლამაზი და შთამბეჭდავი პეიზაჟების სიაში, არადა სულ ტყუილად.  Royal Scotsman-ის მატარებლით სარკინიგზო ექსკურსია ამაში ნამდვილად დაგარწმუნებთ. მარშუტი შოტლანდიის მაღალმთიანეთზე გადის, გზადაგზა ულამაზეს, კრისტალურად სუფთა ტბებს ნახავთ. რეგულარულ გაჩერებებზე შეგეძლებათ მოინახულოთ უძველესი, ისტორიული ციხე-სიმაგრეები, გასინჯოთ და დაეუფლოთ შოტლანდიური ვისკის გამოცდის ხელოვნებას და ს ...