მსოფლიო
09 ნოემბერი 2015
27609
გაზიარება
34 სხვადასხვა ქვეყნის საფირმო კერძი, რომელიც აუცილებლად უნდა გასინჯო (ნაწილი I)
1. ბელგია: მიდიები შემწვარ კარტოფილთან ერთად
მიდიებს ბელგიაში ბევრი სხვადასხვა მეთოდით ამზადებენ: ღვინოში, კარაქში, სხვადასხვა მწვანილებში ან ტომატის სოუსში. მაგიდასთან მიაქვთ კარტოფილთან ერთად და ცივ ბელგიურ ლუდსაც მიირთმევენ.
2. ავსტრია: ვენური შნიცელი
ეს კერძი ავსტრიის ერთ-ერთ სიმბოლოდ ითვლება. კლასიკური ვენური შნიცელი ხბოს ხორცის თხელი, დაბეგვილი ნაჭრებია, კვერცხში და ფქვილში ამოვლებული და დიდი რაოდენობით ზეთში ან ნაღების კარაქში შემწვარი. გარნირად, როგორც წესი, მიაქვთ კარტოფილი ან ბრინჯი. მოსართავად გამოიყენება ლიმონი და მწვანილი.
3. არგენტინა: ასადო
თითქმის ყველა არგენტინულ ოჯახში შეხვდებით გრილს, რომელზეც ეს კერძი მზადდება. როგორც წესი ასადოს მომზადებით მამაკაცები- ასადორები არიან დაკავებულები. ესაა ნაკვერჩხლებზე შემწვარი ხორცი, რომლის გემოც მზარეულის ჯადოქრობაზეა დამოკიდებული. ასადოს მიირთმევენ პურთან, სალათასთან, ჩიმიჩურის სოუსთან და წითელ ღვინოსთან ერთად.
4. კანადა: პუტინი
ეს ძალიან კალორიული კერძი კვებეკის მოსახლეობის საყვარელი დელიკატესია. კერძის შემადგენლობაში შედის სპეციალური სოუსი, ბევრ ცხიმში შემწვარი კარტოფილი და ყველი.
5. ბრაზილია: ფეიჟოადა.
ამ მრავალფეროვანი და საასრგებლო კერძის მთავარი ინგრედიენტებია შავი ლობიო, შემწვარი ხორცი - საქონლის ან/და ღორის, მანიოკის ფქვილი და ადგილობრივი სანელებლები. გარნირად გამოიყენება ბრინჯი, კომბოსტო, ლიმონის ნაჭრები და ცხარე სოუსი.
6. ავსტრალია: მცურავი ღვეზელი
ავტრაიელებს საყვარელი კერძი ერთდროულად სასარგებლო და ლამაზია - ბარდის კრემ-სუპში ხორცის ღვეზელი ცურავს. შესანელებლად, სურვილის მიხედვით, პამიდორის საწებელი და ძმარი გამოყენება. ეს ერთგვარი სუპი განსაკუთრებით ცივ ამინდებშია პოპულარული.
7. ჩინეთი - სიაო ლონგ ბაო
ხინკლის მსგავსი ჩინური საჭმელი შანხაის მცხოვრებლების საყვარელი კერძია. ცომში გახვეული სხვადასხვა სახეობის ხორცის ფარში ორთქლზე იხარშება, ბამბუკისგან გაკეთებულ სპეციალურ კალათებში.
8. ხორვატია: ყველი Paški
ცხვრის ყველი, რომელსაც ხორვატიაში მხოლოდ კუნძულ პაგზე ამზადებენ, მთელ მსოფლიოშია განთქმული.
9. ეგვიპტე: მოლოჰია
კერძის სამშობლო ეგვიპტეა, თუმცა აფრიკის კონტინენტის დასავლეთ ნაწილში მის უამრავ ვარიაციას შეხვდებით. ორიგინლურ, ეგვიპტურ რეცეპტში მოლოჰია მზადდება მოლოჰიას ფოთლებისგან (მწარე გემოს მქონე ბოსტნეული), რომელიც ნიორთან და ქინძთან ერთად იხარშება. სუფრაზე მიაქვთ ლიმონის ნაჭრებთან, ბრინჯთან, ქათმინა ან კურდღლის ხორცთან ერთად.
10. ინგლისი : როსტბიფი იორკშირული პუდინგით
როსტბიფი ინგლისის ნაციონალურ კერძად ითვლება. ესაა საქონლის შემწვარი ხორცი, რომელსაც გარნირად კარტოფილი და სხვადასხვა სახის ბოსტნეული შეიძლება მოყვეს. რაც შეეხება იორკშირულ პუდინგს, ის იმ ცხიმის გამოყენებით მზადდება, რომელიც ხორცის შეწვისას გამოიყოფა. მომზადებით შემდეგნაირად მზადდება: რძეს, მარილს, კვერცხსა და ფქვილს თქვეფენ. პატარა ფორმებში დებენ თითო ჩაის კოვზ ერბოს, ზედ ცომს ასხამენ და გახურებულ ღუმელში აცხობენ. ასეთ პუდინგს მიირთმევენ როგორც ხორცთან და ბოსტნეულთან, ასევე ტკბილ სოუსებთან ერთად.
11. საქართველო: ხაჭაპური
საქართველოში უამრავი სახის ხაჭაპური მზადდება, თუმცა განსაკურებული პოპულარობა აჭარულ ხაჭაპურს აქვს - ნავის ფორმის ცომი, უამრავი ყველით და ზედ დახლილი კვერცხით ზღვისპირა კურორტების მენიუს განუყოფელი ნაწილია.
12. ჰოლანდია: დამარილებული ქაშაყი
ქაშაყის მირთმვა ბევრნაიად შეიძლება, თუმცა თვითონ ჰოლანდიელები ქაშაყის ნაჭრებს გემრიელი, ახალგამომცხვარი პურის ნაჭრებზე ათავსებენ და დაჭრილ ხახვს აყრიან.
13. ინდოეთი: ქათამი ტანდური
ინდოეთის ყველა რეგიონში საკუთარი ტრადიციები და მრავალფეროვანი კერძები აქვთ, ამიტომ ერთის გამორჩევა ძალიან ძნელია. თუმცა არის ერთი კლასიკური კერძი, რომელიც მთელ ინდოეთში ერთნაირად უყვართ - ქათამი ტანდური. ქათმის ხორცის ნაჭრები იდება იოგურტის და სუნელებიან მარინადში და შემდეგ თიხის ღუმელში იწვება დაბალ ცეცხლზე. სუფრასთან კი ბოსტნეულთან და ბრინჯთან ერთად მიაქვთ.
14. ინდონეზია: ღვეზელი ტერანგ ბულანი
ნახევარმთვარის ფორმის ტკბილი ღვეზელი სხვადასხვა გემრიელობებითაა გამოტენილი: შოკოლადის ფილის ნატეხები, გახეხილი ყველი, მიწის თხილი და ბანანი. ღვეზელი ინდონეზიის ყველა ქუჩაში იყიდება.
15. იტალია. პიცა
კლასიკური ტალიური პიცა ძალიან თხელი ცომით და ცოცხლი პამიდორის, მოცარელის, ბაზილიკის და სხვადასხვა ხორცპროდუქტების გამოყენებით მზადდება. იტალიაში პიცის მომზადება ხელოვნების დარგშია აყვანილი და მისი ათობით სახეობა არსებობს.
16. იაპონია: კაცუდონი
მთელი მსოფლიოსთვის იაპონია სუშისთან ასოცირდება, თუმცა თავად ამომავალი მზის ქვეყნის მაცხოვრებლები უპირატესობას კაცუდონს ანიჭებენ და თუ რჩევას კითხავთ, აუცილებლად ამ კერძს შემოგთავაზებენ. კაცუდონი ღორის დაბეგვილი ხორცის, კვერცხის და ბრინჯისგან მზადდება.
17. მალაიზია: ნასი ლემაკი
კერძის სახელწოდება ითარგმნება როგორც "ბრინჯი ნაღებით". ბრინჯი ქოქოსის რძეში იხარშება, პანდანუსის ფოთლებთან ერთად, შემდეგ ბანანის ფოთლებში ახვევენ და სამბალის სოუსთან, ანჩოუსებთან , კარაქთან და მოხარშულ კვერცხთან ერთად მიაქვთ სუფრაზე.
18. მექსიკა - მოლეს სოუსი
სოუსის შემადგენლობაში 10 ინგრედიენტზე მეტი შედის, მათშორის თხილეულობა, კაკაო, სხვადასხვა ბალახები და სუნელები, ხორცის ბულიონი და რასაკვირველია, რამოდენიმე სახეობის ჩილი. სოუსის მომზადებას დიდი დრო ჭირდება - ზოგჯერ რამოდენიმე დღეც კი.
