საუკეთესო ადგილები ზვიგენთან ერთად ცურვისთვის

მოგზაურობის, წყალქვეშა აქტივობების და ექსტრიმის მოყვარულებისთვის ძალიან საინტერესო ტენდენცია გაჩნდა მსოფლიოს მასშტაბით. ზვიგენების გარემოცვაში ცურვა დღითიდღე უფრო პოპულარული აქტივობა ხდება. უფრო მეტიც, კალიფორნიული Shark Divers-ის დამფუძნებლის განცხადებით, ე.წ "ზვიგენების ტურიზმის ინდუსტრიის" შემოსავალი წელიწადში 500 მილიონი დოლარია.

რა თქმა უნდა, ყველა არ არის ისეთი გაბედული, რომ ზვიგენებთან ერთად ცურვა მოისურვოს, მაგრამ ფაქტია ეს აქტივობა ერთ-ერთი საინტერესო დაივინგ გამოცდილებაა ტურისტებისთვის.

თუ საკმარისად გაბედული, ექსტრიმის და დაივინგის მოყვარული ხართ, ზვიგენებთან ერთად ცურვით მსოფლიოს რამდენიმე ადგილას შეგიძლიათ ისიამოვნოთ.

სამხრეთ აფრიკაში ასეთ მომსახურებას რამდენიმეგან გაგიწევენ  - African-Shark Eco-charter, AfriDive, Shark Cage Diving KZN ( False Bay-ზე),  AfriDive (Protea Banks-ზე). აქ ზვიგენების მრავალფეროვანი არჩევანია, მათ შორისაა იშვიათი სახეობის თეთრი ზვიგენიც.

ზვიგენებთან ერთად ცურვას შემოგთავაზებენ ეგვიპტეშიც. წითელი ზღვა ერთ-ერთი გამორჩეულია წყლის სისუფთავის მხრივ. ამასთან, PURE Diving-ის დამფუძნებელი ირწმუნება, რომ აქაური ზვიგენებისთვის ადამიანები საკვებთან არ ასოცირდება და მათთან მიახლოება უსაფრთხოა.

ზვიგენებთან ერთად ექსტრემალური თავგადასავლები შეგიძლიათ გამოსცადოთ ინდონეზიაშიც. ადგილობრივმა მთავრობამ ცოტა ხნის სანაპიროს და საზღვაო წყლის 4 მილიონი ჰექტარი ტერიტორიის კონსერვაცია მოახდინა სპეციალურად ზვიგენებისთვის. ინდონეზია ზვიგენების ყველაზე დიდი ექსპორტიორია მსოფლიოში, ამიტომაც მიმდინარეობს აქტიური მუშაობა მათი შენარჩუნებისათვის.